Sý tasqyny: Beıneý aýdanynda Qulsarydan kelgen 2,5 myń adam ornalasty
AQTAÝ. KAZINFORM — Beıneý aýdanynyń ákimi tabıǵı apat saldarynan Beıneý aýdanyna ýaqytsha panalaýǵa kelgen Jylyoı aýdanynyń turǵyndarymen kezdesip, jaǵdaılarymen tanysty.
Qazirgi jaǵdaı boıynsha Qulsary qalasynan Boranqul aýylyna — 1694, Beıneý aýylyna — 932, Eset aýylyna — 23, Aqtaý qalasyna — 324 adam jetkizildi.
«Boranqul aýylynda „Nobilis Corp“ JShS jataqhanasynda — 44 (29 bala) adam, „Kerýen“ kempıngi — 70 (30 bala) adam, „Shyń“ kempıngi — 10 (7 bala) adam, „InterGazOrtalyqAzııa“ AQ „Opornyı“ óndiristik basqarmasynyń jataqhanasynda — 13 (7 bala) adam, „Opornyı“ jalpy bilim beretin mektebinde — 60 (34 bala) adam jáne Beıneý aýylyndaǵy „KAJservıs“ JShS jylytý pýnktinde — 26 (18 bala) adam ornalastyryldy, — dep málimdedi aýdan ákimdiginiń baspasóz qyzmeti.
Sonymen qatar, Boranqul aýylyndaǵy «Boranqul» jalpy bilim beretin mektebinde — 130, «Qaraqum» jalpy bilim beretin mektebinde — 50 oryn, Sarǵa aýylynda Beıneý mektep — ınternatynda — 37 jáne Beıneý aýyly boıynsha — 20 oryn daıyn turǵany málim boldy.
Keshe sý tasqynynan Jylyoı aýdanyndy tótenshe jaǵdaı jarııalanyp, turǵyndardy evakýatsııalaý jumystary bastalǵaly beri 12 myńnan astam jylyoılyq qaýipsiz orynǵa kóshirildi. Onyń bes myńy — balalar. Turǵyndar Atyraý qalasyna, Teńiz kenishindegi vahtalyq qalashyqqa jáne Mańǵystaý oblysynyń Beıneý aýdanyna evakýatsııalandy.
Osyǵan deıin Mańǵystaýda Atyraý oblysyndaǵy sý tasqynynan keıin jedel jeli qosyldy.
Sondaı-aq, Sý basqan Qulsarydaǵy aýrýhanadan 77 naýqasty Mańǵystaý oblysyna aparatyny málim boldy.