Sút ónimderiniń ımporty ne sebepti artty

ASTANA. KAZINFORM – Keıingi bir jylda sút ónimderiniń ımporty artty. Bul týraly Parlament Májilisinde mal sharýashylyǵy ónimderin tereń óńdeý taqyrybyna arnalǵan Úkimet saǵatynda Aýyl sharýashylyǵy mınıstri Aıdarbek Saparov aıtty.

«Importtyń negizgi úlesin kilegeı, maı, qurǵaq sút, irimshik jáne súzbe alady. Tek sońǵy jyldyń ózinde sút ónimderiniń ımporty shıki sútke qaıta eseptegende 2022 jylǵy 580 myń tonnadan 2023 jyly 800 myń tonnaǵa deıin ósti. Arzan ımporttyń qysymynan basqa, biz óz daıyn ónimderimizdiń joǵary ózindik qunyn baıqap otyrmyz. Máselen, sary maıdy alaıyq. Qazaqstanda óndirilgen maıdyń ózindik quny – kelisine 3100 teńge. Al ımporttyń ortasha baǵasy – kelisine1800-2300 teńge», - dedi A. Saparov.

Onyń paıymynsha, bul turǵyda tehnıkalyq reglamentter jáne tutynýshylardyń ónimniń quramy men sapasy týraly habarsyz bolýy áser etip otyr. Saldarynan mundaı básekelestik ishki óndiriske keri áserin tıgizedi.

«Sapasy tómen ónimder máselesin sheshý úshin jaýapty memlekettik organdardyń qoldaýy kerek. ıAǵnı halyq arasynda elimizde óndiriletin sapaly ónim jaıynda keńinen málimet berý kerek. Bul máselede Mádenıet jáne aqparat mınıstrligi men Densaýlyq saqtaý mınıstrliginiń qoldaýy qajet», - dedi mınıstr.

Mınıstr biraz jyldar boıy mal sharýashylyǵynda da, ósimdik sharýashylyǵynda da statıstıkalyq derekter burmalanyp kelgenin aıtty.