Sút ımportyn kemitý tutynýshylardyń quqyǵyn shektegenmen birdeı - «Sapa» birlestigi
«Qazirgi tańda memlekettik organdardyń baqylaý-qadaǵalaý qyzmeti túrli reglamenttermen shektelgen. Osynyń saldarynan tutynýshy óndirýshimen betpe-bet qalyp otyr.Biz sońǵy birneshe jyl boıy eldegi sút ónimderiniń qaýipsizdigin baqylap kelemiz. Óıtkeni, sút ónimi eldiń dastarhanyndaǵy negizgi taǵamnyń biri bolyp sanalady. Saraptamalar nátıjesinde biz tutynýshylardyń, ásirese otandyq óndirýshilerge aıtary kóp ekenin anyqtadyq», - deıdi ol.
Birlestik basshysy búgingi jaǵdaıda sút ónimderiniń ımportyn azaıtý tutynýshylardyń quqyǵyn shektegenmen birdeı ekenin aıtady.
«Tutynýshy úshin alǵan azyǵynyń qaýipsiz bolǵany onyń qaı elde óndirilgeninen áldeqaıda mańyzdy. Otandyq óndirýshiler eldegi naryq sheteldik sút ónimderine tolyp ketkenin másele retinde kóterip, memleketten tıisti shara qoldanýdy suraıdy. Máseleni bulaı qaraý orynsyz. Óıtkeni, otandyq óndirýshiler naryqty adal báseke aıasynda jaýlap alýy qajet. Al memleket tutynýshyny sheteldik qaýipsiz ónimderdi tutynýdan shekteý arqyly otandyq óndirýshilerdi qoldaý degen durys emes. Bul tutynýshynyń quqyǵyn shektegenmen birdeı», - dedi ol.
