Sút búkil álemdegi kóptegen tutynýshylar úshin áli kúnge deıin negizgi taǵam bolyp keledi - «Tetra Pak» kompanııasynyń esebi
ALMATY. Shildeniń 12-si. QazAqparat /Názıra Eleýhan/- Búgin Almatyda «Tetra Pak» kompanııasy sút naryǵyndaǵy ǵalamdyq aǵym týraly taldamalyq sholýyn tanystyrdy, dep habarlaıdy QazAqparat.
"Sút búkil álemdegi kóptegen tutynýshylar úshin áli kúnge deıin negizgi taǵam bolyp keledi. Ekonomıkalyq-geografııalyq jáne áleýmettik jaǵynan ár túrli barlyq elder de sútti barlyq jastaǵy adamdar ishetin paıdaly taǵam retinde qaraıdy. Sondyqtan álemdik qarjylyq-ekonomıkalyq daǵdarysqa qaramastan súttiń tutyný mólsheriniń ósýi odan ári jalǵasýda», deıdi «Tetra Pak» kompanııasynyń marketıng bóliminiń dırektory Dınara Tátiǵulova. Taldamaly sholýda demografııalyq ahýaldaǵy ózgeris sút ónerkásibine de óz áserin tıgizbeı qoımaıtyny aıqyn ańǵarylady. Halyqtyń iri qalalarǵa shoǵyrlanýy tutynýshylardyń ómir saltyn da ózgertýde.
