Sút beziniń qaterli isigi eń kóp taraǵan aýrýlardyń tórttigine kiredi
PETROPAVL. QazAqparat - Soltústik Qazaqstan oblysynda áıelder densaýlyǵyn qorǵaýdyń onkúndigi ótkizilip jatyr, dep habarlaıdy «QazAqparat» HAA tilshisi.
Sút beziniń qaterli isigi men jatyr moıny isigin erte anyqtaý jáne aldyn alý jónindegi baspasóz konferentsııasynda onkologııalyq dıspanserdiń emdeý jumystary jónindegi bas dárigeriniń orynbasary Oleg Dýdıak bul aýrý túrleriniń tek osy aımaqta ǵana emes, elimizde, jalpy dúnıejúzinde keń etek alyp kele jatqanyn málim etti.
«Bul aýrýlardy emdeý jetistikteri jyl ótken saıyn artyp keledi, jaqsy kórsetkishterge de qol jetkizip kelemiz. Degenmen, onkologtardy alańdatatyn da jaǵdaı bar. Aýrý erte kezeńderinde ǵana jaqsy emdeledi. Sút bezi qaterli isiginiń taralymy kóptegen sebepterge baılanysty. Eń aldymen bul fertıldi fýnktsııany kesh júzege asý jáne sábıdi omyraýmen az ýaqyt ǵana emizýmen, dısgarmonozdarmen baılanysty», - dedi Oleg Dýdıak.
Sondaı-aq, ol sút beziniń qaterli isigi eń kóp taralǵan aýrýlardyń tórttigine kiretinin atap ótti. Byltyrǵy jyly mundaı aýrýmen SQO-ynda 216 áıel tirkeýge turǵan. Eger byltyrǵy jáne bıylǵy jyldyń toǵyz aıyn salystyrsaq, bıylǵy jyly 126, ótken jyly - 163 jaǵdaı anyqtalǵan.
