Sút bezi obyrynyń aldyn alýǵa bolady - ǵalymdar
ASTANA. QazAqparat - Amerıka ǵalymdary sút bezi obyrynyń aldyn alýǵa shabdaly jemisiniń tıgizer paıdasy óte zor ekendigin anyqtady. Olar júrgizgen zertteý qorytyndylaryn Journal of Nutritional Biochemistry basylymynda jarııalaǵan.
Sút bezi obyry batys jarty sharda áıelder arasynda óte keń taraǵan qaterli aýrýlardyń biri bolyp esepteledi. Amerıka onkologııalyq qaýymdastyǵynyń aıtýynsha, byltyr AQSh-ta 230 myń sút bezi obyry aýrýy tirkelgen eken, dep jazady sheteldik BAQ.
Tehas ýnıversıtetiniń ǵalymdary birneshe jyl buryn shabdaly men alhorydan bólinetin polıfenol sút bezi obyrynyń qaterli isik jasýshalaryn joıatyndyǵyn ǵylymı túrde dáleldegen. Al jańa zertteý kezinde mamandar tájirıbege tyshqandardy qatystyrdy. Zertteýshiler aldymen tyshqan terisiniń astyna sút bezi obyrynyń qaterli jasýshalaryn ımplantatsııalady. Al biraz ýaqyt ótken soń shabdaly syǵyndysyn qoldanǵan.
«Tájirıbe barysynda anyqtalǵandaı, shabdalyny kúndelikti taǵam ratsıonyna qosý arqyly biz sút bezi obyrynyń aldyn alamyz jáne emdeı alamyz», - dep qorytyndylady professor Lýıs Sısneros-Zevallos.
