Sút bezi obyryna shaldyqqan aqtóbelik áıelderge ımplant salyndy
AQTÓBE. QazAqparat - Jyl basynan beri Aqtóbede 58 áıelden sút bezi obyry anyqtaldy. Derti asqynǵan 20 názik jandy kóz jumǵan. Aqtóbelik dárigerler otadan qorqyp, dárigerge qaralmaıtyn adamdarǵa ımplant salý múmkindigi týraly aıtyp berdi, dep habarlaıdy QazAqparat.
Aqtóbede «Jańa tehnologııalyq kúni» aktsııasy ótti. Qazaqonkologııa jáne radıologııa ǵylymı-zertteý ınstıtýty mammologııa ortalyǵynyń basshysy Shynar Talaeva kelip, úsh kúnde úsh áıeldiń omyraýyna ımplant salyp berdi.
«Áıelder omyraýynda isik, jara bar ekenin bilse de dárigerge der kezinde barmaıdy. Olar dert anyqtalsa omyraýymyzdan túgel aıyrylyp qalamyz dep qorqady. Qazir jergilikti dárigerler sút bezin saqtap qalýdyń joldaryn biledi. Áıelder úshin otadan keıin qalpyna kelý óte qıyn ekenin bilemiz. Qazir omyraýynan aıyrylǵanda onyń ornyn toltyrýdyń joly bar. Implant ornatý otasy aqysyz jasalady»,- dedi Sh.Talaeva.
Aıta keteıik, Aqtóbede sút bezi obyrynyń ólim kórsetkishi birinshi orynǵa shyqty. Jyl basynan beri 50 názik jandydan omyraý derti aryqtalyp, 20 áıel sút bezi obyrynan qaıtys boldy.
