Sýsamyr dertiniń birden-bir emi - irimshik
ASTANA. 25 shilde. QazAqparat - Kúnine eki tilim irimshik jeıtin adam ózin sýsamyr aýrýynyń dendep ketý qaýpinen saqtaıdy.
Mamandardyń aıtýynsha, munyń syry - irimshiktiń fermenttelýinde.
Іrimshikke qatysty zertteýdi aǵylshyn jáne golland dárigerleri birigip júrgizgen. Olar deni saý 16 800 adam men ІІ tıpti sýsamyry bar 12 400 naýqastyń as mázirine taldaý jasaǵan. Zertteýdiń qorytyndysy boıynsha kúnine kem degende 55 g irimshik ónimin jep turatyn adamdar arasynda artyq salmaqpen baılanysty qaýipti keseldiń 12%-ǵa sırek baıqalǵany anyqtaldy. Іrimshik quramynda bolatyn probıotıkalar (aǵzaǵa qajetti bakterııalar toby) ashyǵan kezde D dárýmenin, kaltsıı men magnııdi túzip qana qoımaı, sýsamyrdyń damýyn da tejeıtinge uqsaıdy. Mundaı qasıet ıogýrt túrlerinde de bar kórinedi, dep jazady «Alsh aınasy» gazeti The Daily Mail basylymyna silteme jasap.
