Sýrrogat ana Krıshtıaný Ronaldýdyń egizderin kóterip júr
ASTANA. QazAqparat - Madrıdtik «Realdyń» jáne Portýgalııa quramasynyń tanymal fýtbolısi Krıshtıaný Ronaldý jaqyn kúnderi taǵy áke atanady, dep habarlaıdy TASS.
AQSh-ta turatyn sýrrogat ana onyń egiz balalaryn kóterip júr. Jaqyn kúnderi ol bosanýy tıis, dep habarlaıdy The Sun basylymy portýgaldyqtyń otbasyna jaqyn adamǵa silteme jasap.
«Krıshtıaný balalaryn asyǵa kútip júr. Ol óziniń jeke ómirin jasyrýǵa tyrysýda, biraq jaqyn dostary men týystaryna taıaý ýaqytta egizderdiń ómirge keletinin aıtty», - dedi derekkóz.
32 jastaǵy Ronaldýdyń alty jasar uly bar. Bul balany da sýrrogat ana dúnıege ákeldi.
