Sýrınam toǵaıynan jan-janýardyń buryndary belgisiz bolyp kelgen 60 jańa túri ashyldy
ASTANA. 6 qazan. QazAqparat - Latyn Amerıkasynyń soltústik-shyǵysyndaǵy Sýrınam ormanynan ǵalymdar buryn sońdy belgisiz bolyp kelgen 60 jańa janýar túrin ashqan. Olar adam izi sırek túsetin Brazılııamen aradaǵy shekara mańyndaǵy qalyń orman ishinen tabyldy, deıdi Conservation International kommertsııalyq emes zertteý uıymynyń ókili Trond Larsen. Bul týraly RBK habarlaıdy.
Úsh aptaǵa sozylǵan ǵylymı ekspedıtsııanyń maqsaty Sýrınamnyń ońtústik-shyǵysynda ornalasqan qalyń ormanda ómir súretin jan-janýarlardyń tizimin jasap, tuşy sý qoryn anyqtaý bolatyn, dep túsindirdi ǵalym Associated Press-ke bergen suhbatynda.
Ǵalymdar adamzatqa beımálim jaıynnyń, sondaı-aq balyqtyń jańa 10 túrine jan-jaqty sıpattama berdi. Sonymen birge, jalpy Ońtústik Amerıkada uzyndyǵy boıynsha ekinshi eń kishkentaı bolyp tabylatyn kólemi bar bolǵany 2,3 mm ǵana jańa qońyz túri tabyldy. Zertteýshilerdiń aıtýynsha, ekspedıtsııanyń nátıjeleri týraly tolyq aqparat keıinirek beriletin bolady.
