Sýretter «sóıleıdi»: G.Golovkınniń ekpini men tegeýirinin Monro birden tanydy
ASTANA. QazAqparat - Boks jankúıerleri búgin úlken jekpe-jektiń kýágeri boldy. Kalıfornııada Gennadıı Golovkın men amerıkalyq boksshy kishi Vıllı Monronyń aıqasyn kórýge 12 myńnan astam kórermen jınaldy.
Ádette kóp sóz aıtpaıtyn Gennadıı Golovkınniń ózi bul aıqasty «dramalyq shoý» dep ataǵan. Onymen kelispeýge qıyn: GGG-diń talaı qarsylasynyń tizesin búktirgen qaısar shabýyldary men qaıtalanbas stıliniń arqasynda bul jekpe-jekte birinshi mınýttarynan-aq ózine nazar aýdartty.
Jekpe-jek bastala salysymen amerıkalyq boksshy qaraǵandylyq jerlesimizdiń tegeýrinin tanyp qaldy. Sharshy alańdaǵy jaǵdaıdy fotosýretterden baıqaýǵa bolatyndaı.
