Sýretshi Jeńis Kákenulynyń jeke kórmesi ashylady
ASTANA. 6 aqpan. QazAqparat - Erteń 7 aqpan kúni (saǵat 17-00) Qazaqstan Respýblıkasy Tuńǵysh Prezıdentiniń murajaıynda Qazaqstan Sýretshileri odaǵynyń múshesi, keskindemeshi, grafık, pýblıtsıst Jeńis Kákenulynyń jeke kórmesi ashylady. Qylqalam sheberiniń bul kórmesi «Sáıgúlik semantıkasy - 4» dep atalady.
Jeńis Kákenulynyń jeke kórmesi jylqy jylynyń, ıaǵnı 2014 jylǵy kórme maýsymyn ashady. Avtor jylqynyń dál osy qazaq jerinde qolǵa úıretilip, urysta, eńbekte, qýanyshta, sporttyq saıystar men oıyndarda bolsyn únemi kóshpendilerdiń janynda bolǵandyǵyn maqtan tutady. Ekspozıtsııada sýretshiniń osy qasıetti janýarǵa degen erekshe yqylasyn beıneleıtin elýge jýyq keskindemesi men grafıkalyq týyndylary jurtshylyq nazaryna usynylmaq. Avtor týǵan halqynyń «Jylqy - tilsiz kisi» degen óz dúnıetanymy arqyly qaıyrymdy serik, adal dos, erkin sáıgúliktiń beınesin sheber jetkize bilgen. Jylqyny barsha qazaq erekshe qadirleıtini belgili. Qylqalam sheberi jylqy arqyly ulttyq qadir-qasıetimizdi, bastan keshken taǵdyrymyzdy, arman-maqsattarymyzdy baıandaǵan.
