Sýretshi Ýorholdyń «Oraǵy men balǵasy» bássaýdada 383 myń dollarǵa satyldy
ASTANA. 16 aqpan. QazAqparat - Amerıkandyq sýretshi Endı Ýorholdyń «Oraq pen balǵa» atty shyǵarmasy Londondaǵy Phillips bássaýda úıinde ótken saýdada 383 myń AQSh dollaryna satyldy.
Eń qymbat turatyn lottardyń biri - brıtandyq sýretshi Sesıl Braýnnyń «Edemnen Shyǵysqa qaraı» atty 1999 jylǵy týyndysy 1 mln. 122 myń dollarǵa satyldy. Kartına Vıllem de Kýnıng estetıkasynyń yqpalymen oryndaldy.
Budan bólek, bássaýdada Mark Kýınn, Jan Dıýbıýffe, Rob Prıýıtt, Gerhard Rıhter jáne Djýlıan Shnabel sııaqty tanymal zamanaýı sýretshilerdiń jumystary da usynyldy.
