Sýretshi qyz Djekı Chanǵa erekshe syı jasady - FOTO
ASTANA. QazAqparat - Malaızııalyq sýretshi qyz súıikti ártisi Djekı Chanǵa erekshe syı jasady. Ol akterdiń sýretin ádettegi boıaýmen emes, shaǵyn taıaqshanyń kómegimen salǵan, dep jazdy Day.Az.
Hong Iı esimdi boıjetken sýret ónerine alǵash qadam basqanda kartınalaryn boıaýmen salǵan. Keıin sýretti túrli ádispen salýdy úırenedi. Onyń ishinde taıaqshamen salǵan sýretteri sátti shyǵa bastady.
Osylaısha, jas sýretshi ónerimen tánti etken súıikti ártisine syı jasaýdy kózdegen. Ol úshin 64 000 dana taıaqshanyń kómegine júgingen eken. Al atalǵan taıaqtardy jınaýǵa bir aı ýaqyt ketkenin de aıta ketý kerek. Eń qyzyǵy, ol taıaqshalar buǵan deıin paıdalanylǵan bolyp shyqty.
Soǵan qaramastan, sýretshi ditteginine jetti. Ol akterdiń 60 jyldyǵyna arnaǵan syıyn Beıjińde ótken qaıyrymdylyq keshinde tabystady.
