Sýretshi Armat Bektasovtyń jeke kórmesi ótedi

Armat Bektasovtyń «Velıkıı pýt lınıı» atty birinshi jeke kórmesi 1996 jyly «Beıne» galereıasynda ótkizildi. Sýretshiniń mańyzdy is-sharalarynyń biri retinde QR Tuńǵysh Prezıdenti qorynda aǵymdaǵy jyly uıymdastyrylǵan «Jańa máner» kórmesin ataýǵa bolady. Bul kórme «Shabyt» ulttyq ýnıversıtetinde «Ónerdegi Táýelsizdik ıdeıasy. Tarıh jáne jańashyldyq» atty halyqaralyq ǵylymı-tájirıbelik konferentsııasy kezinde Astana qalasynyń turǵyndarynyń nazaryna usynyldy.

Al 18 qarasha kúni Táýelsizdik saraıynda sýretshiniń jańa týyndylary - fotoınstallıatsııalar, músinder, realızm men jańa mánerde beınelengen shyǵarmalaryn tamashalaı alasyzdar. Sonymen qatar, A.Bektasovtyń izbasarlary «Shabyt» óner ýnıversıteti stýdentteriniń shyǵarmashylyq jumystary da ekspozıtsııada oryn alady.