Sýretshi Á. Qasteevtiń qyzy ákesiniń týyndysy retinde tanystyrylǵan 50-ge jýyq kartınanyń túpnusqa emestigin anyqtady
ASTANA. 17 qazan. QazAqparat - Qazaqstandyq sýretshi Ábilhan Qasteevtiń qyzy ákesiniń týyndylary retinde tanystyrylǵan 46 kartınanyń barlyǵy túpnusqa emestigin anyqtady. Bul týraly sýretshiniń týysy Tengrinews.kz tilshisine ózi aıtyp berdi.
Onyń oıynsha, Qasteev atyndaǵy Óner murajaıyna qoıylǵan barlyq kúmándi kartınalar - jeke kollektsııadan alynǵan. «Bir kollektsııa jınaýshy kartınalardy murajaıǵa usynǵan, al murajaıdyń sarapshylary kartınalardyń túpnusqalyǵyna kúmán keltirip, mennen kómek surady. 46 jumystyń barlyǵy jalǵan bolyp shyqty! Olardyń arasynan ákemniń birde-bir jumysy tabylmady. Men qaradym da, olar naqty onyń jumystary emes ekendigin aıttym», - dep málimdedi Gúldarııa Qasteeva.
Onyń aıtýynsha, bul, sheberdiń kartınalaryn kóshirip jasaýdyń birinshi oqıǵasy emes. 2011 jyly Óner murajaıynyń kórmeler dırektsııasynda jeke kollektsıonerlerdiń kórmesi uıymdastyrylǵan edi. Solardyń arasynda sarapshylar túpnusqa emes dep tanyǵanyna qaramastan - Qasteevtiń kartınalary da boldy. Sýretshiniń qyzy kórmege barǵanda, onyń pikirinshe, onda kóshirip jasalǵan taǵy 10 kartına turdy.
Endi Qasteevtiń murageri quqyq qorǵaý organdaryna shaǵymdanyp, ákesiniń kartınalaryn kim jáne ne úshin kóshirip jatqandyǵyn anyqtamaqshy.
