Sý resýrstarynyń ulttyq aqparattyq júıesin qurý qashan aıaqtalady
ASTANA. KAZINFORM — Otandyq traktorlar men kombaındar óndirisin qoldaý kúsheıtiledi. Bul týraly Úkimet otyrysynda Prezıdent Joldaýyn iske asyrýdy talqylaý barysynda Premer-mınıstrdiń orynbasary — Ulttyq ekonomıka mınıstri Serik Jumanǵarın málim etti.
— Agroónerkásip keshenin jáne sý resýrstaryn jetildirý salasynda mal sharýashylyǵy, ónimdi qaıta óńdeý jáne saqtaý baǵdarlamalaryn uzaq merzimdi qarjylandyrýdy qamtamasyz etý, sondaı-aq otandyq traktorlar men kombaındar óndirisin qoldaý josparlanyp otyr. Kelesi jyldan bastap barlyq aýyl sharýashylyq óndirýshiniń agrologıstıkalyq ortalyqtardyń ınfraqurylymyna teń qol jetkizýi qamtamasyz etý josparlanǵan, — dedi Serik Jumanǵarın.
Onyń aıtýynsha, sý resýrstaryn basqarý bóliginde 2027 jyldyń naýryzynda Sý resýrstarynyń ulttyq aqparattyq júıesin qurý aıaqtalady.
Budan bólek mınıstr ınvestıtsııalyq saıasat salasynda 2027 jyly memlekettik organdar men uıymdar arasyndaǵy fýnktsııalardyń qaıtalanýyn joıýǵa, sondaı-aq ınvestıtsııalyq jobalardy iske asyrýǵa biryńǵaı tásildi qamtamasyz etýge múmkindik beretin ulttyq ınvestıtsııalyq saıasat túbegeıli qaıta qaralatynyn aıtty.
Buǵan deıin habarlanǵandaı, búgin Úkimet otyrysynda Memleket basshysynyń bıylǵy 28 qazandaǵy «Jańa tarıhı kezeńdegi Qazaqstannyń ózekti mindetteri» atty Qazaqstan halqyna Joldaýyn iske asyrý jónindegi jalpyulttyq is-sharalar josparynyń» jobasy maquldanyp, tıisti qaýly qabyldandy.
