Sýrdo taekvondodan astanalyq sportshy álem chempıonatynyń kúmis júldegeri atandy

ASTANA. KAZINFORM – Bishkekte estý qabileti buzylǵan sportshylar arasynda taekvondodan II álem chempıonaty aıaqtaldy. Atalǵan dodada Astana qalasynyń sportshysy Rýslan Ahmetov 80 kelige deıingi salmaq dárejesinde synǵa túsip, 2-oryn ıelendi. Bul týraly elorda ákimdiginiń saıty habarlady. 

«Qarysylastarym myqty boldy. Birneshe eldiń sportshylarymen synǵa tústim. Jetistikke jetýime sebepker bolǵan jattyqtyrýshyma alǵys aıtamyn. Ol maǵan úlken úmit artyp, alǵa qaraı órleýime sebepker boldy. Bul álem chempıonatyna bapkerim ekeýmiz 6 aı kóleminde daıyndaldyq. Sonyń nátıjesinde 2-oryn aldym. Óte qýanyshtymyn. Aldaǵy ýaqytta taǵy shyńdalyp, el namysyn abyroımen qorǵaıtyn bolamyz. Bul – tek bastamasy», - dedi álem chempıonatynyń kúmis júldegeri Rýslan Ahmetov.

Sýrdo taekvondo – jazǵy Sýrdolımpıadalyq sport túrleriniń biri. Estý múmkindigi shekteýli jandarǵa arnalǵan taekvondo jarystary Halyqaralyq taekvondo federatsııasynyń erejelerine sáıkes ótkiziledi. Jazǵy nemese qysqy Sýrdolımpıada oıyndary men álem chempıonattaryna, aımaqtyq chempıonattarǵa jáne federatsııa maquldaǵan basqa da jarystarǵa tek estý múmkindigi shekteýli jáne nashar estıtin sportshylar qatysa alady. 

Aıta ketsek, baıraqty básekege álemniń 20 elinen 190-nan astam sportshy qatysty. Qazaqstan quramasynyń sapynda 22 sportshy baq synady.