Sýrdlımpıadada júlde alǵan 32 sportshy men 42 bapkerge 5,5 mlrd teńge syıaqy tólendi - mınıstrlik
ASTANA. KAZINFORM - QR Týrızm jáne sport mınıstrligi Úkimet qaýlysyna sáıkes rezervten halyqaralyq arenada joǵary nátıjelerge qol jetkizgen sportshylar men jattyqtyrýshylardy yntalandyrý úshin shamamen 5,5 mlrd teńge bólingenin habarlady.
Qarajat 2025 jyly Tokıoda ótken XXV jazǵy Sýrdlımpıadada júlde alǵan sportshylar men olardyń jattyqtyrýshylaryn marapattaýǵa baǵyttaldy.
Barlyǵy 32 sportshy men 42 jattyqtyrýshy syıaqy aldy. Tólem mólsheri qoldanystaǵy zańnamaǵa sáıkes belgilengen: altyn medal úshin — 130 mln teńge, kúmis medal úshin — 78 mln teńge, qola medal úshin — 39 mln teńge. Sondaı-aq 4-6 oryn alǵan sportshylarǵa 2,5 mln teńgeden 15 mln teńgege deıin syıaqy tólendi. Sýrdlımpıadaǵa 81 elden shamamen 3 myń sportshy qatysty. Qazaqstan quramasy sporttyń segiz túri boıynsha óner kórsetip, jalpykomandalyq esepte 9-oryn aldy.
-El qorjynyna 25 medal tústi: 8 altyn, 4 kúmis jáne 13 qola. Tólemderdi júzege asyrý týraly sheshim sportty memlekettik deńgeıde júıeli qoldaýdyń bir bóligi jáne joǵary jetistikter sportyn odan ári damytýǵa, sondaı-aq Qazaqstannyń halyqaralyq arenadaǵy bedelin nyǵaıtýǵa baǵyttalǵan,-delingen habarlamada.
Osyǵan deıin Qazaqstan sportshylarynyń 4–10 mamyrda qandaı jarystarda baq synaıtyny týraly jazdyq.
