Sýrdlımpıadada Qazaqstannyń dzıýdodan erler jáne áıelder quramasy 3-oryn aldy
NUR-SULTAN. QazAqparat - Brazılııanyń Kashıas-dý-Sýl qalasynda ótip jatqan 24-shi jazǵy sýrdlımpıada oıyndarynda dzıýdodan Qazaqstannyń erler jáne áıelder quramalary úshinshi orynǵa ıe boldy, dep habarlaıdy QazAqparat tilshisi.
Batysqazaqstandyq bapker Temirjan Hasanǵalıevtiń málim etkenindeı, áıelder arasynda komandalyq jarysta Ýkraına quramasy chempıon atansa, ońtústikkoreıalyqtar ekinshi, Qazaqstan úshinshi orynǵa kóterildi.
Erler arasynda Ýkraına úzdik shyqsa, ońtústikkoreıalyqtar kúmis, Frantsııa men Qazaqstan qola júldeger atandy.
Áıelder arasynda el quramasy sapynda batysqazaqstandyq Dına Erjanova óner kórsetti. Dına 52 kelige deıingi salmaqta jekeleı synda da úzdik úshtikke ilikken bolatyn.
«Osymen sýrdlımpıadada dzıýdo jarysy márege jetti», - dedi QazAqparat tilshisine T.Hasanǵalıev.
Eske sala keteıik, qazaqstandyq sportshynyń Brazılııadaǵy sýrdlımpıada oıyndarynda qola júldeger atanǵanyn jazǵan bolatynbyz.
Budan bólek, qazaqstandyq dzıýdoshylar taǵy úsh medaldi jeńip aldy.
Qazaqstan qorjyny eki medalmen tolyqty.
