Sýrdlımpıadada qazaqstandyq taekvondoshylar taǵy eki medal aldy
NUR-SULTAN. QazAqparat - Brazılııanyń Kashıas-de-sýl qalasynda ótip jatqan XXIV jazǵy Sýrdlımpıada oıyndarynyń altynshy kúninde qazaqstandyq taekvondoshylar qanjyǵyǵa taǵy eki medal baılady. Bul týraly «Dene múmkindikteri shekteýli tulǵalarǵa arnalǵan sporttyq daıarlaý ortalyǵy» RMQK málim etti, dep habarlaıdy QazAqparat.
Ortalyqtan habarlanǵanyndaı, elimizdiń taekvondoshylary Aıan Abdrash 58 kg jáne Nurdáýlet Jaqyp 68 kg salmaqta óner kórsetip, qola medal aldy.
Sondaı-aq, áıelder arasynda qazaqstandyq taekvondoshy Aıjamol Abdıkatova 49 kg salmaqta synǵa túsip, úzdik bestikten kórindi.
XXIV jazǵy Sýrdlımpıada oıyndary 15 mamyrǵa deıin jalǵasady. Oǵan álemniń 100 elinen 4 myńnan astam sportshy qatysyp jatyr.
Eske sala keteıik, qazaqstandyq ústel tennısshileri Sýrdlımpıada oıyndaryn 3-orynmen qorytyndylady.
