Sýrdlımpıada oıyndarynyń jeńimpazdary elge oraldy
ASTANA. QazAqparat - 1 tamyz tańǵy saǵat 5.25-te Almaty qalasynyń áýejaıyna Sýrdlımpıada oıyndarynyń jeńimpazy men júldegerleri keldi, dep habarlaıdy Qazaqparat Sport komıtetiniń baspasóz qyzmetine silteme jasap.
Qazaqstan quramasy 7 medalmen jarysty 25-shi orynda aıaqtady. Bizdiń qorjynda 1 altyn, 1 kúmis jáne 5 qola medal bar. 
"Bul bizdiń quramanyń Sýrdlımpıada oıyndary tarıhynda jetken eń úzdik kórsetkishi. Aıan Ábdrash 58 kelige deıin salmaqta taekvondodan altyn medal jeńip alsa, dzıýdoshy Shaıahmet Qanapıanov 66 kelige deıin salmaqta kúmis medal ıelendi. Sýrdlımpıada oıyndarynyń qola medali 68 kelide óner kórsetetin taekvondoshy Valentına Antonenkoǵa buıyrdy, grek-rım kúresiniń sheberi Haıtarhan Shongý 130 kelige deıingi salmaqta myqtylyǵyn baıqatyp, qola medaldi qanjyǵasyna baılady, karateden 61 kelige deıin salmaqta óner kórsetetin Elena Salmınaǵa da qola medal buıyrdy, erkin kúres sheberi Asyljan Tajıev 97 kelige deıin óner kórstetin sportshylar arasynda qola medaldi utyp aldy, sonymen qatar, ústel tenıısinen komandalyq jarysta bizdiń komanda úshinshi oryndy ıelendi. Qazaqstan namysyn 2016 jylǵy Álem chempıonatynyń kúmis júldegerleri Danııar Eskendirov, Qanat Qonqybaev jáne Gaıp Danııarov qorǵady", delingen baspasóz paraǵynda.
Esterińizge salaıyq, XXIII Sýrdlımpıada oıyndary shildeniń 18-30 aralyǵynda Túrkııanyń Samsýn qalasynda ótti. Tórtjyldyqtyń basty oıynyna úsh myńǵa jýyq sportshy qatysty. Qazaqstannyń atynan 9 sport túri boıynsha 50-ge jýyq sportshy bardy. Olar erkin jáne grek-rım kúresi, sambo, jeńil atletıka, júzý, taekvondo, ústel tennısi jáne sporttyq baǵdarlama boıynsha synǵa tústi.
