Sýrdlımpıada oıyndarynda qazaqstandyq sportshylar el qorjynyna eki medal qosty
NUR-SULTAN. QazAqparat - XXIV jazǵy Sýrdlımpıada oıyndarynyń jetinshi jarys kúninde qazaqstandyq sportyshlar kúmis jáne qola medalǵa qol jetkizdi, dep habarlaıdy QazAqparat.
Jeńil atletıkadan el namysyn qorǵaǵan qazaqstandyq Olga Hıjnıakova ıadro laqtyrýdan kúmis júldege ıe boldy. Bul Qazaqstan úshin jeńil atletıkadan alǵashqy medal.
Erler arasynda taevondodan ótken synda qazaqstandyq Vıktor Frýndın +80 kg salmaqta qola júldeni jeńip aldy. Sondaı-aq, áıelder arasynda taevondoshy Aıda Maqatova 67 kg salmaqta synǵa túsip, úzdik bestikten kórindi.
Jazǵy Sýrdlımpıada oıyndary Brazılııanyń Kashıas-dý-Sýl qalasynda ótýde. Oǵan álemniń 100 elinen kelgen 4 myńnan astam sportshy qatysyp jatyr.
