Sýrdlımpıada oıyndary: Qazaqstan ústel tennısinen «qolaǵa» ıe boldy
ASTANA. QazAqparat - Osy kúnderi Túrkııanyń Samsýn qalasynda XIII Sýrdlımpıada oıyndary ótýde. Oǵan álemniń 97 elinen 3105 sportshy qatysýda, dep habarlaıdy QazAqparat.
«Archery Sports Hall» sport kesheninde ústel tennısinen komandalyq jarystar aıaqtaldy. Onda Qazaqstan namysyn qostanaılyqtar Danııar Eskendirov pen Qanat Qonqybaev qorǵady. Sportshylarymyz Polsha (3:0) men Bolgarııa (3:1) quramalaryn jeńip, XXII Sýrdlımpıada oıyndarynyń jeńimpazy lıtvalyqtarǵa 0:3 esebimen ese jiberdi.
Osylaısha, fınaldyq segizdikke endi. Jartylaı fınalǵa ótý úshin Danııar men Qanat Ońtústik Koreıanyń tennısshilerimen baq talastyryp, olardy 3:2 esebimen jeńdi. Alaıda, kelesi kezeńde qytaılyq Taıbeıdiń sheberlerinen utylyp, qola medaldy qanaǵat etti. «Altyndy» Qytaı quramasy, «kúmisti» Taıbeı ıelendi.
Endi Qanat pen Danııar XIII Sýrdlımpıada oıyndarynyń jeke týrnırinde synǵa túsedi, dep habarlaıdy sports.kz.
