Sýrdlımpıada chempıonynyń bapkeri sotta Mádenıet mınıstrligin jeńdi
Astana qalasynyń mamandandyrylǵan aýdanaralyq ákimshilik soty S.Dmıtrıenkonyń Mádenıet jáne sport mınstrliginiń aqshalaı yntalandyrý tólemin tóleýden bas tartýyn zańsyz dep taný jáne ony tóleýdi mindetteý týraly shaǵymy qaraldy.
Aıta keterligi, E.Dmıtrıenko – 2022 jyldyń 5 mamyrynda Brazılııada ótken Sýrdlımpıada oıyndarynda chempıon atanǵan Erkebulan Qanafınniń birinshi jáne jeke bapkeri. Ol 2022 jyldyń qyrkúıeginde Mádenıet jáne sport mınıstrliginiń Sport jáne dene shynyqtyrý isteri komıtetine, odan keıin mınıstrlikke júginip, shákirtiniń jeńiske jetýine oraı ózine tıesili aqshalaı yntalandyrýdyń tólenýin suraǵan. Alaıda, memlekettik organdar E.Qanafınniń jeńisin moıyndamaıtyndyqtaryn jáne G.Dmıtrıenko akkredıttelgen sport federatsııasynan tys ózdiginen ókiletti organǵa júgine almaıtyndyǵyn alǵa tartyp, ótinishin oryndaýdan bas tartqan.
Bapkerdiń paıymynsha, E.Qanafınniń jeńisin Halqaralyq sańyraýlar sport komıteti moıyndap otyr. Demek, ol chempıonnyń birinshi ári jeke bapkeri retinde aqshalaı yntalandyrý tólemin alýy tıis. Sonymen qatar Qazaqstanda sýrdo dzıýdodan akkredıttelgen sport federatsııasy joq. Osyǵan oraı bapker ókiletti organnan tıesili tólemdi berýdi ózi surap júgingen.
«Ákimshilik sot bapkerdiń talabyn qanaǵattandyrdy. Oǵan S.Dmıtrıenkonyń sportshy E.Qanafındi sýrdo dzıýdo jarystaryna daıyndaǵany, uzaq jyldyq jumysy men bapkerligi eńbek kitapshasymen dáleldengeni sebep boldy. Sonymen qatar talap etýshiniń shákirti E.Qanafın halyqaralyq deńgeıde moıyndalǵan sýrdo dzıýdo chempıony sanalady. Onyń qulaǵy estimeıtindigin Almatyda jáne jarys aldynda Brazılııada ótken aýdıogrammalar dáleldeıdi. Elimizde chempıonnnyń bapkerine aqshalaı yntalandyrý tólemin tóleýge ótinishe beretin sýrdo dzıýdodan akkredıttelgen sport federatsııasy joq. Sondyqtan S.Dmıtrıenkonyń ózdiginen ókiletti organǵa júginýi durys.
Sheshim zańdy kúshine engen joq», - delingen ákimshilik sot taratqan málimette.
Buǵan deıin Astana qalasynyń mamandandyrylǵan aýdanaralyq ákimshilik soty QR Mádenıet jáne sport mınıstrligi men 2022 jylǵy Sýrdlımpıada chempıony Erkebulan Qanafın arasyndaǵy daýǵa qatysty sheshim shyǵarǵanyn jazǵan edik.
Ashyq kózderden alynǵan foto
