Surapyl soǵys almatylyq sýretshilerdiń týyndylarynda beınelendi
ALMATY. QazAqparat - Almaty sýretshileri Jeńistiń 70 jyldyǵyna arnap taqyryptyq kórme uıymdastyrdy. Sýretshilerdiń soǵys jyldary týraly týyndylary búgin Almatydaǵy «Belaıa roıal» art-galereıasynda ornalastyryldy. Shaǵyn kórme mamyrdyń 16-syna deıin ashyq bolady.
Kórmege 9 qazaqstandyq avtordyń 20 jumysy qoıylǵan. Onyń ishinde eń bedeldisi -almatylyq sýretshi, maıdanger, UOS ardageri Arıı Shkolnyıdyń «Áskerı natıýrmort» týyndysy. 1988 jyly jazylǵan kartına jalǵyz maıdanger, sýretshiniń týyndysy retinde vernısajǵa qabyldanǵan. Jasy 90-dy alqymdaǵan Arıı Shkolnyı kórmege kele almady. Sýretshiniń kóp jumysy Á.Qasteev atyndaǵy mýzeıde saqtaýly.
«Búgingi kórmege ár jastaǵy avtorlardyń eńbegi qoıyldy. Eń úlkeni ardagerimizden bastap, jas qylqalam sheberleriniń týnydylaryn kórermen nazaryna usynyp otyrmyz. Aleksandr Belov, ıÝrıı ıÝrev, Georgıı Lı, Aleksandar Kalacheva, Dalıda Alıea, Narǵyz Álibek UOS ardagerleriniń batyldyǵy men erligi portret arqyly jetkizgisi kelgen», - dedi ónertanýshy Olga Fadeeva. Kórme galereıa mamandary tarapynan uıymdastyrylǵan shyǵarmashylyq keshpen jalǵasty. Bard ánshiler Svetlana Velıchko, Bolat Málikov soǵys taqyrybyndaǵy ánderdi shyrqasa, Toǵjan Quttyǵaeva Jambyl Jabaevtyń «Lenıngradtyq órenim» óleńin mánerlep oqydy.
