Surapyl daýyl Óskemendegi ǵımarattyń shatyryn ushyryp áketti
ÓSKEMEN. QazAqparat - Búgin Óskemende kenetten soqqan surapyl daýyldyń saldarynan Ostrovskıı kóshesindegi ónerkásip armatýra zaýytynyń shatyryn ushyryp áketti, dep habarlaıdy «QazAqparat» HAA tilshisi.
Sonyń saldarynan joldaǵy qozǵalys shekteldi, sondaı-aq zaýytqa jaqyn jerde ornalasqan úılerdiń qaqpalary men shatyrlaryna zaqym kelgen. Shatyrdyń opyrylýy saldarynan zaýyt qyzmetkerleriniń 8 jeńil avtokóligi zardap shekti. Zardap shegýshiler joq.
Oqıǵa ornynda Óskemen TJB jáne qala ákimdigi mamandary jumys isteýde. ShQ ÓEK mamandary elektr energııasyn qalpyna keltirgennen keıin, zaýyt jumysshylary shatyr ornyn tazartty. Onyń jalpy aýmaǵy 5000 tekshe metrdi quraǵan.
