Surapyl daýyl Qytaı halqyn ábigerge salýda
ASTANA. 7 qazan. QazAqparat - Bıylǵy jyly osymen 23-shi taıfýnynyń alǵashqy soqqysyn Qytaıdyń ońtústik-batys provıntsııasy kórdi. Asa qaýipti «Fıtoý» daýylynyń saldarynan elde tótenshe jaǵdaı jarııalandy.
Halyqty jappaı qaýipsiz jerge kóshirý júrgizilip jatyr. Tolqyndardyń bıiktigi bes metrge deıin jetedi, sınoptıkterdiń boljamynsha aldaǵy ýaqytta olar 10 metrge deıin jetýi múmkin.
Buqaralyq aqparat quraldarynan habarlaǵandaı, Qytaı bılik ókilderi 417 myń adamdy qaýipsiz jerge kóshirdi. Osyǵan deıin tabıǵı apat Japonııanyń Okınava perfektýrasyna jetken bolatyn. Onda 14 myń otbasy jaryqsyz qaldy. 5 adam jaraqattandy. Búgin apattan zardap shekken aýdandarda jóndeý jumystary júrgizilip jatyr. Japonııada taıfýnǵa baılanysty 350 áýe reısi toqtatyldy.
