Surapyl tsıklon Úndistan jaǵalaýyna jaqyndap qaldy, 3,5 mln-ǵa jýyq adam evakýatsııalandy
NЬıÝ-DELI. QazAqparat – Úndistannyń shyǵysyndaǵy Odısha jáne Batys Bengalııanyń jaǵalaýdaǵy aýmaqtaryna «ıAas» tsıklony jaqyndaýy sebebimen ol jerden shamamen 3,5 mln jýyq adam qaýipsiz jerge shyǵaryldy. Bul týraly QazAqparat NDTV telearnasyna silteme jasap habarlaıdy.
Telearnanyń málimetinshe, Odıshada 3 mln jýyq adam, al Batys Bengalııada jarty mıllıondaı adam úılerinen ketýge májbúr bolǵan. Turǵyndar alapat tropıkalyq quıyn jyljyp kele jatqan aýmaqtardan ketip jatyr.
Úndistannyń ulttyq meteorologııalyq qyzmetiniń boljamyna sáıkes, «óte qatań tsıklon» dárejesin alǵan «ıAas» aldaǵy saǵattarda Paradıp qalasy men Sagar araldarynyń arasyndaǵy jaǵalaýǵa alǵashqy soqqysyn tıgizedi.
Bengal shyǵanaǵy jaqtan jyljyp kele jatqan tsıklon ózimen birge qatty nóser jaýyn men jyldamdyǵy sekýndyna 51,3 m/s deıin jetetin daýyldy jel ákeledi.
Balyqshylarǵa teńizge shyqpaý keńes etilgen. Batys Bengalııa astanasy Kalkýtta qalasynyń áýejaıynda ushý toqtatyldy. El bıligi aýrýhanalar men densaýlyq saqtaý uıymdaryna mekemelerdiń úzdiksiz elektr energııasy men medıtsınalyq ottegimen qamtylýy úshin sharalar qoldanýdy keńes etti.
