Suranysqa ıe tehnıkalyq baǵyttaǵy TOP-10 mamandyq ataldy

ASTANA. QazAqparat - Oqý-aǵartý mınıstrliginiń tehnıkalyq jáne kásiptik bilim departamenti eń suranysqa ıe baǵyttardyń reıtıngin jasady, dep habarlaıdy QazAqparat.

Bıyl memlekettik bilim berý tapsyrysy boıynsha 130 myńnan astam talapkerdi qabyldaý josparlanýda, onyń ishinde kásiporyndardyń ótinimderi boıynsha 10 myń stýdent bar.

Qazirgi ýaqytta eńbek naryǵynda kelesi baǵyttar suranysqa ıe:

• aqparattyq tehnologııalar;

• qurylys jáne kommýnaldyq sharýashylyq;

• geologııa;

• taý-ken ónerkásibi;

• energetıka;

• metallýrgııa jáne mashına jasaý;

• kólik;

• baılanys;

• pedagogıka;

• medıtsına jáne t.b.

«Elimizdiń kolledjderinde barlyǵy 517 myń stýdent oqıdy, onyń ishinde 312 myńy tegin tehnıkalyq jáne kásiptik bilimmen qamtylǵan. Bıyl memlekettik bilim berý tapsyrysy 50 myń orynǵa artady. Sonymen qatar jańa oqý jylynan bastap kolledj stýdentteriniń stıpendııasy 50% - ǵa kóbeıedi», - dep jazdy mınıstrlikten.

Memlekettik tapsyrys boıynsha bilim alatyn stýdentter áleýmettik qoldaýmen qamtylady. Oǵan stıpendııa, tamaq jáne jolaqy kiredi.