SÝPERPRZEIDENTTІK BASQARÝ FORMASYNAN PARLAMENTІ KÚShTІ PREZIDENTTІK RESPÝBLIKAǴA KÓShEMІZ – TOQAEV
«Bizge Qazaqstan damýynyń saıası modelin qaıta qurý boıynsha syndarly qadamdar qajet. Munda eń aldymen, sýperprezıdenttik basqarý formasynan kúshti Parlamenti bar prezıdenttik respýblıkaǵa túpkilikti kóshý týraly aıtylyp otyr. Mundaı júıe bılik ınstıtýttarynyń qolaıly teńgerimin qamtamasyz etedi jáne eldiń ornyqty damýyna yqpal etetin bolady. Aldymyzda Parlamenttiń rólin kúsheıtý mindeti tur. Bul «Halyq únine qulaq asatyn memleket» tujyrymdamasyn tabysty júzege asyrýǵa jol ashady. Biz bolashaqta qandaı el bolatynymzdy naqty bilemiz. Jańa Qazaqstandy azamattyq qoǵamy qalyptasqan tıimdi memleketke aınaldyramyz. Osyǵan oraı kúshti Prezıdent – yqpaldy Parlament – esep beretin Úkimet qaǵıdatyn basshylyqqa alamyz», - dedi Prezıdent.
Q. Toqaev Qazaqstanda sýperprezıdenttik basqarý nysany elimizdiń bastapqy kezeńinde oryndy bolǵanyn da atap ótti.
«Tek bastapqy kezeńde ǵana emes, 30 jyl boıy belgili bir deńgeıde oryndy boldy. Biraq biz bir orynda turmaımyz. Qoǵam ózgerýde, el ózgerýde. Oǵan bizdiń saıası júıemiz de beıimdelýge tıis. Qazir bári Prezıdentke kelip tireledi, bul durys emes. Mundaı tájirıbeden birtindep ketý kerek. Memlekettiń uzaq merzimdi múddeleri men úshin bıliktiń qosymsha tetikterinen jáne sıtýatsııalyq yqpaldan da mańyzdyraq», - dedi Qasym-Jomart Toqaev.