Sýperorta salmaqtaǵy álem chempıony bıyl Golovkınmen kezdeskisi keledi

ASTANA. QazAqparat - IBF nusqasy boıynsha sýperorta salmaqtaǵy álem chempıony brıtandyq Djeıms Dıgeıl (23-1-1, 14 KO) qazaqstandyq boksshy Gennadıı Golovkındi (37-0, 33 KO) aldaǵy taıaý ýaqyttaǵy jekpe-jekteriniń yqtımal qarsylastary tizimine engizdi, dep habarlaıdy QazAqparat Sports.kz  saıtyna silteme jasap.

«Golovkın? Bul ataqty boksshymen aıqas úshin oılanbaı túsip (bir salmaq tómen), orta salmaqtaǵy ataq úshin onymen judyryqtasa alamyn. Bul maýsym aıynda Londonda bolǵanyn qalaımyn», - dep keltiredi Dıgeıldiń sózin Daily Mail.

Sondaı-aq Dıgeıldiń short-paraqshasyna Kallým Smıt (22-0, 17 KO), Andre Ýord (31-0, 15 KO) jáge Djordj Groývs (25-3, 18 KO) enip otyr.

Golovkınniń maýsym aıyna jospary - WBO ataǵyna ıe ózge brıtandyq Bıllı Djo Sonderspen (24-0, 12 KO) birlesken jekpe-jek ekenin atap óteıik.