Sýpermen týraly alǵashqy komıks rekordtyq soma - 1,5 mıllıon dollarǵa satyldy
ASTANA. Naýryzdyń 30-y. QazAqparat - Amerıkandyq buqaralyq mádenıettiń tanymal keıipkeri Sýpermenniń basynan keshkenderi týraly komıkster kitaby ózi sııaqty basylymdar úshin kezekti baǵa rekordyn ornatty.
Internet-aýktsıonda komıkster kitaby 1,5 mıllıon dollarǵa satyldy, dep habarlaıdy Assoshıeıted Press agenttigi.
Agenttiktiń aqparaty boıynsha, bul rekordtyq soma AQSh-tyń kitap sórelerinde 1938 jyldyń maýsym aıynda paıda bolǵan jáne nebári 10 tsent qana turǵan Sýpermen týraly komıkstiń alǵashqy basylymy úshin berilip otyr.
Aqpan aıynda osy basylymnyń taǵy bir danasy aýktsıonda 1 mıllıon dollarǵa satylsa, birer kúnnen keıin belgisiz kollektsıoner tanymal basqa keıipker - Betmen týraly komıkstiń alǵashqy basylymyn 1 mıllıon 75 myń dollarǵa satyp alǵan bolatyn.
