Sýpermarketter jelisi Ramazanǵa oraı syılyq jasady
ASTANA. QazAqparat - Ulybrıtanııanyń London, Manchester, Bredford jáne Bırmıngem qalalaryndaǵy 20-ǵa jýyq meshitke qasıetti Ramazan aıyna oraı eldegi iri sýpermarketter jelisi syılyq jasap otyr, dep habarlady. Muslim.kz.
«Tesco» dep atalatyn kompanııa qulshylyq ordalaryna jalpy baǵasy 30 myń dollardy quraıtyn azyq-túlik qoryn taratyp bergen. Aýyzashar dastarhanyn daıyndaýǵa qajetti un, kúrish, kúnbaǵys maıy jáne basqa azyq-túlik túrlerin berip otyrmyz deıdi kompanııa ókili.
«Ramazan - barsha musylmandar úshin qasıetti aı. Al, bizdiń kelýshiler men dostarymyzdyń qanshamasy musylmandyqty ustanady. Sondyqtan da biz jyl saıyn Ramazan kezinde azyq-túlik taǵamdary men daıyn tamaqtardyń baǵasyn ózimizdiń 300 sýpermarketimizde tómen baǵamen satamyz. Al, bıylǵy jyly tek jeńildikpen shektelmeı, meshitterge kómektesýdi uıǵaryp otyrmyz», - deıdi kompanııa menedjeri Mett Klar.
