Sýpermarkette taǵlymdamadan ótip júrgen boıjetken qymbat ton urlap ketti
NUR-SULTAN. QazAqparat – Elordanyń krımınaldyq polıtsııa qyzmetkerleri jedel izdestirý is-sharalary barysynda ton urlaý kúdigine ilikken 20 jastaǵy boıjetkendi ustady, dep habarlaıdy QazAqparat tilshisi.
Nur-Sultan qalalyq polıtsııa departamentiniń málimetinshe, tergeý barysynda jyljymaıtyn múlik sýpermarketine jumysqa turyp, taǵlymdamadan ótip júrgen boıjetkennen qolaıly sátti paıdalanyp, quny 600 myńteńge turatyn tondy urlap ketken. Ol urlanǵan zatty aldaǵy ýaqytta satpaq bolǵan. Alaıda boıjetken polıtsııa qyzmetkerleriniń qolyna tústi.
«Kúdiktige qatysty «urlyq» babymen qylmystyq is qozǵaldy. Boıjetken kinásin moıyndap túsinikteme berdi. Qazirgi ýaqytta onyń elorda aýmaǵynda buǵan deıin jasalǵan osyndaı qylmystarǵa qatysty tekserilýde. Nur-Sultan qalalyq polıtsııa departamenti azamattarǵa qyraǵy bolýǵa, beıtanys adamdarǵa senbeýge shaqyrady», - dep atap ótedi vedomstvodan.
