Sýpermarkette esirtki qosylǵan et satyldy
ASTANA. QazAqparat - AQSh-tyń Florıda shtatyna qarasty Tampa qalasynda dúkennen satyp alynǵan etten bir otbasynyń tórt múshesi ýlanyp qaldy. Atalǵan etke bireýler esirtki qosyp jibergen, dep habarlady sheteldik BAQ.
Ronnı Morales pen onyń ekiqabat jubaıy Djessıka Rosado tanymal Walmart ámbebap dúkeninen jentektelgen sıyr etin satyp alady. Keshki astan keıin eń birinshi Morales ózin jaısyz sezinip, ony jubaıy aýrýhanaǵa alyp barady. Dál osy jerde Djessıka da ózin jaısyz sezinip, sol aýrýhanada bosandy.
Sál keıinirek otbasynyń alty jáne jeti jastaǵy qyzdarynda da gallıýtsınatsııa bastalady. Osydan keıin et saraptamaǵa jiberilip, onyń quramynan esirtki zaty tabylady.
Qazirgi ýaqytta polıtsııa atalǵan esirtkiniń jentektelgen ette qaıdan paıda bolǵanyn anyqtaý jumystaryn júrgizýde. Walmart dúkeni de tergeý amaldaryna qol ushyn berip, sóredegi barlyq etti saraptamaǵa berip otyr.
