Sýpermarket jarnamasy úshin qoǵamdyq tártipti buzǵan bloger jazalandy

ASTANA. KAZINFORM — Jambylda qoǵamdyq tártipti óreskel buzǵan bloger jaýapqa tartyldy, dep habarlaıdy Polisia.kz.

Sýpermarketterdiń biriniń jarnamasyn túsirý kezinde qoǵamdyq tártipti óreskel buzǵan bloger jaýapkershilikke tartyldy.

Bolashaq kórermenderdiń nazaryn aýdartýǵa tyrysqan ol qoıylym retinde avtokóliktiń aldyńǵy áınegin syndyrǵan jáne jolaýshymen dóregi daýyspen sóılesip, ótip bara jatqan adamdardy shoshytqan.

— Polıtsııa quqyq buzýshyny anyqtap, ony usaq buzaqylyq jasaǵany úshin jaýapkershilikke tartty. Sýpermarket jarnamasyn agressıvti túrde túsirý bloger úshin 10 táýlikke ákimshilik qamaýǵa alynýmen aıaqtaldy, — delingen vedomstvo habarlamasynda.

Buǵan deıin Jetisýda kásipkerden aqsha talap etken blogerge úkim shyqqanyn jazǵanbyz.

Sonymen qatar, Almaty sotynda Muqaǵalıge sóz tıgizgen blogerge qatysty is toqtatylǵany belgili boldy.