«Qaırat» - «Aqtóbe» kezdesýiniń birinshi kezeńinde esep ashylǵan joq

ASTANA. KAZINFORM - Búgin fýtboldan Qazaqstan sýperkýbogyndaǵy «Qaırat» (Almaty) pen «Aqtóbe» kezdesýiniń alǵashqy kezeńi aıaqtaldy.

Eki komanda alǵashqy mınýttan tájirıbeli fýtbolshylarǵa senim bildirdi. Almatylyq klýb sapynda byltyr negizgi quramda shyqqan oıynshylar bul joly da bas bapker Rafael Ýrazbahtınniń senimine ıe boldy. Al «Aqtóbe» sapynda komanda quramyna bıyl qosylǵan Erkebulan Seıdahmet pen Oralhan Ómirtaev oıyn basynan negizgi quramda shyqty.

Kezdesý qos komandanyń alma-kezek shabýylymen bastaldy. Oıynnyń alǵashqy mınýtynda aqtóbelik komanda tizgindi óz qolynda ustaýǵa tyrysty. Odan keıin «Qaırat» ta qarsy shabýylǵa shyqty. Keıbir sátterde gol soǵatyn múmkindigin múlt jiberip alyp jatty. «Aqtóbe» qaqpashysy Andreı Vlad senimdi qımyldap, almatylyq komandanyń ótkir shabýylyna toıtarys berdi.

Birinshi kezeń 0:0 esebimen aıaqtaldy.

Bul oıynda astanalyq Saıat Qarabaev bas tóreshi qyzmetin atqaryp jatyr. Oǵan astanalyq Tımýr Tursymbaev pen Nurjan Júnisov kómekshilik jasaýda. Qosalqy tóreshi de astanalyq Georgıı Jýkovskıı.

Qazirge deıin «Aqtóbe» 2008, 2010, 2014 jyldary úsh márte sýperkýbokty tóbesine kóterse, «Qaırat» 2016, 2017 jyldarda eki márte jeńimpaz atandy.

Aqtóbelik klýb ózi qatysqan sýperkýboktyń barlyǵynda jeńse, almatylyq komanda 2015, 2018, 2019, 2022 jyldary qarsylastaryna ese jiberip qoıdy.