Sýperkýbokta «Qaırat» basymdyqty taǵy bir golǵa arttyrdy
ASTANA. KAZINFORM - Búgin fýtboldan Qazaqstan sýperkýbogyndaǵy «Qaırat» (Almaty) pen «Aqtóbe» kezdesýinde qyzyl qaǵaz kórsetildi.
Dál qazir «Qaırat» qarsylasynan 2:0 esebimen basym túsip jatyr. Goldy 58-mınýtta almatylyq klýbtan Elder Santana salca, odan keıin Valerıı Gromyko 85-mınýtta ekinshi goldyń avtory atandy.
Oıynnyń 62-mınýtynda almatylyq klýbtan Erkin Tapalov qyzyl qaǵaz alyp, alańnan qýyldy.
Aıta ketsek, oıynnyń 70-mınýtynda almatylyq klýbtan Dastan Sátpaev jasyl alańǵa shyqty. Ol bıyl «Chelsı» klýbyna aýysty.
Almatylyq klýbtyń baspasóz qyzmeti habarlaǵandaı, 2026 jyldyń jazynda kámelettik jasqa tolǵan soń resmı túrde aǵylshyn komandasyna qosylady.
Ol ýaqytqa deıin Dastan Sátpaev «Qaırat» sapynda óner kórsetedi.
Qazirge deıin «Aqtóbe» 2008, 2010, 2014 jyldary úsh márte sýperkýbokty tóbesine kóterse, «Qaırat» 2016, 2017 jyldarda eki márte jeńimpaz atandy.
Aqtóbelik klýb ózi qatysqan sýperkýboktyń barlyǵynda jeńse, almatylyq komanda 2015, 2018, 2019, 2022 jyldary qarsylastaryna ese jiberip qoıdy.
Osyǵan deıin «Qaırat» - «Aqtóbe» kezdesýinde alǵashqy gol soǵylǵanyn jazdyq.