Sýperkompıýter tsıfrlyq egemendikke jasalǵan mańyzdy qadam bolmaq – Jaslan Mádıev
ASTANA. KAZINFORM – Ulttyq sýperkompıýterdi iske qosý tehnologııalyq táýelsizdikti qamtamasyz etedi jáne Qazaqstandy tsıfrlandyrýdyń negizgi qadamyna aınalady. Bul týraly «Jibek Joly» telearnasynyń tikeleı efırinde Tsıfrlandyrý jáne aeroǵarysh ónerkásibi mınıstri Jaslan Mádıev málimdedi.
Onyń aıtýynsha, búginde otandyq startaptar, bıznes qurylymdary men qarjy uıymdary esepteý qýatyn Amazon jáne Google sııaqty sheteldik IT alpaýyttarynan jalǵa alýǵa májbúr.
– Bizdiń jeke sýperkompıýterimizdiń paıda bolýy jasandy ıntellektini engizýdi jyldamdatady, syrtqy ınfraqurylymǵa táýeldilikti azaıtady jáne eldi tehnologııalyq qaýipsizdikpen qamtamasyz etedi, - dedi mınıstr.
Eske sala keteıik, buǵan deıin Memleket basshysy Qasym-Jomart Toqaevtyń sýperkompıýterdi iske qosý rásimine qatysqanyn habarlaǵan edik.