Sýperkompıýter: 20 mln adamnyń oryndaıtyn jumysyn birneshe sekýndta bitiredi
ASTANA. KAZINFORM — Sýperkompıýter bizdiń ómirimizdi qalaı jeńildetedi? Nazarbaev Ýnıversıteti janyndaǵy Aqyldy júıeler jáne jasandy ıntellekt ınstıtýtynyń atqarýshy dırektory «Prezıdent Joldaýy: Qazaqstan damýynyń aldaǵy baǵyttary» taqyrybynda ótken otyrysta osy suraqqa jaýap berdi.
— Ótken jyly biz KazLLM dep atalatyn alǵashqy ulttyq tildik úlken modeldi jasap shyǵardyq. Qarapaıym tilmen aıtqanda, bul ChatGPT-niń balamasy. ıAǵnı, siz aldymen mátin engizesiz, al model sizge mátin túrinde jaýap beredi. Suraq-jaýap, aýdarma sekildi qyzmetterdi oryndaıdy. Ol úshin 150 mıllıard token jınadyq. Token — bul bir sózge teńdestiriletin birlik. Bul shamamen bir jarym mıllıon kitapqa teń. ıAǵnı, qazaq tilindegi barlyq derekter, ınternetten alynǵan barlyq qoljetimdi málimetter jınaldy. Eger adam qolmen jınasa, ár saıtty qarap, ár sóılemdi bólip alyp, kóshirý men jınaý úshin 10 jyldaı ýaqyt keter edi. Al biz jáı ǵana kod jazdyq. Ol kod qazaq tilindegi barlyq KZ domenindegi saıttardy qarap, derekterdi jınap, bazaǵa túsirdi, — deıdi Erbol Ábsalamov.
Maman osy aqparattardy jasandy ıntellektke engizip, onyń túsinýi úshin nebári 2 apta ýaqyt ketkenin aıtady.
— Mysal retinde aıtar bolsaq, bir jarym mıllıon kitapty oqý, túsiný, saraptaý úshin qansha ýaqyt qajet? Múmkin, 5-10 ómirimiz ketedi. Al bizge ótken jyly synaq retinde sýperkompıýterdiń resýrsyn paıdalaný múmkindigi berildi. Onda GPU vıdeokartalary men chıpter bar. Olar sekýndyna mıllıardtaǵan operatsııany paralleldi oryndaı alady. Óndiris qýatyn petafloppen ólsheıdi. Petaflop — bul 10-15 operatsııany bir sekýndta oryndaý degen sóz. Qazaqstan halqy — 20 mıllıon adam. Eger aı saıyn biz olarǵa matematıka, hımııa, logıka, fızıkadan tapsyrmalar bersek, ony 2-3 mınýtta sheshýi múmkin. Úlken kisiler 10-15 mınýt ýaqyt qurtatyn shyǵar. Al balalar múlde sheshe almaıdy. Al sýperkompıýter bolsa, 20 mıllıon adamnyń barlyǵy oryndaıtyn tapsyrmany birneshe sekýndta sheship shyǵady. Mine, onyń kúshi osynda. Ol úlken derekter kólemin óte jyldam óńdeıdi. ıAǵnı, bir jarym mıllıon kitapty ol 2 aptada oqyp, úırenip, este saqtady. Jáne qýaty artqan saıyn, jumys jyldamdyǵy da soǵurlym joǵarylaı beredi. Qazaqstanda sýperkompıýterlerdi alǵash ret 2019 jyly paıdalana bastady. Qazirgi tańda bizde 3-shi býyn sýperkompıýterleri bar. Mınıstrlik pen Qazaqtelekom bıyl 5-shi býyn sýperkompıýterlerin alyp keldi, — dedi spıker.
Aıta keteıik, birneshe kún buryn Germanııada Eýropadaǵy eń jyldam sýperkompıýter iske qosyldy.