Sýperqaharman emes, júrgizýshiler: Oralda Marvel keıipkerleri jol tártibin saqtamady

ASTANA. KAZINFORM — Oralda Marvel keıipkerleriniń kostıýmindegi avtokortej jol erejesin buzǵany úshin toqtatyldy, dep habarlaıdy Polisia.kz.

15 maýsym kúni keshki ýaqytta Oral qalasynda patrýldik polıtsııa batalonynyń qyzmetkerleri birneshe kólikten turatyn erekshe avtokortejdi toqtatty. Kólik júrgizýshileri men jolaýshylary Marvel kınoáleminiń keıipkerleriniń kostıýmderin kıip alǵanymen, olardyń erekshe beınesi jol erejesin buzǵan jaýapkershilikten bosatpady. Tekserý nátıjesinde avtokortej qatysýshylary birqatar jol qozǵalysy erejesin óreskel buzǵany anyqtaldy.

Nátıjesinde kelesi ákimshilik hattamalar toltyryldy:

— QR ÁQBtK 593-babynyń 2-bóligi boıynsha — 11 hattama (qaýipsizdik beldigin taqpaý);

— 590-baptyń 5-bóligi boıynsha — 3 hattama (memlekettik nómir belgilerine qoıylatyn talaptardy buzý);

— 593-baptyń 3-bóligi boıynsha — 1 hattama (aldyńǵy oryndyqta qaýipsizdik beldigin taqpaǵan jolaýshyny tasymaldaý);

— 595-baptyń 1-bóligi boıynsha — 1 hattama (jol qıylystarynan ótý tártibin buzý);

— 590-baptyń 2-bóligi boıynsha — 1 hattama (paıdalanýǵa tyıym salynǵan tehnıkalyq aqaýy bar kólik quralyn basqarý).

— Polıtsııa barlyq júrgizýshi men azamattardy jol qozǵalysy erejelerin qatań saqtaýǵa shaqyrady. Kóńildi kostıýmder men sherý — jolda tártipsizdik jasaýǵa negiz emes. Jol qaýipsizdigi — bárimizdiń ortaq mindetimiz, — dep eskertti vedomstvo.

Budan buryn Oralda 15 jasar oqýshy Shaǵan ózenine batyp ketkenin jazǵanbyz.