Sýperaýyr salmaqtaǵy qazaqstandyq nokaýtshy rıngke oraldy

ASTANA. QazAqparat - Sýperaýyr salmaqta óner kórsetetin 30 jastaǵy qazaqstandyq nokaýtshy Jan Kosobýtskıı (7-0, 6 KO) búgin, 29 qarasha kúni kásipqoı bokstaǵy kezekti jekpe-jegin ótkizedi, dep habarlaıdy QazAqparat Sports.kz saıtyna silteme jasap.

Jekpe-jek Mınskide ótedi. Alty raýndqa shaqtalǵan kezdesýde jerlesimizge 28 jastaǵy jergilikti boksshy Aleksandr Nehaıchık (1-3) qarsy turmaq.

Kosobýtskıı buǵan deıingi sońǵy kezdesýin de Mınskide ótkizgen bolatyn. 17 qazanda ol ýkraınalyq Konstantın Dovbyşenkony (3-2, 1 KO) upaı sanymen jeńdi. Bul, qazaqstandyq boksshynyń merziminen buryn aıaqtaı almaǵan alǵashqy aıqasy.