«Sýper Loto» lotereıasynyń jeńimpazyna basty qarjylaı syılyq - bir mıllıon dollardan astam aqsha tabys etildi

Qazaqstan baspasóz klýbynda ótkizilgen baspasóz máslıhatynda «Kazahstan Lotterı Servıs» JShS tóraǵasynyń orynbasary Esengeldi Medeýov, qoǵammen baılanys jónindegi departamenti dırektory Sadyq Egizov, sonymen qatar «Sýper Loto» lotereıasynyń 1-shi sanaty 32-shi tırajy boıynsha jeńimpazy balalarymen qatysty.

Shildeniń 10-ynda, senbi kúni KTK telearnasynda «Sýper Loto» lotereıasynyń 32-shi tırajyn oınatý kezinde 155 mıllıon 791 myń 260 teńgeniń kópten kútken djek-poty quraldy, dollarǵa shaqqanda ol qarjy 1 053 355 dollar bolyp otyr.

Birinshi sanatta quralǵan oınatylǵan djek-pottyń 155 791 250 teńge quraǵan somasy jýrnalısterge kórsetildi. Baspasóz máslıhaty aıaqtalǵannan keıin barlyq aqsha jeńimpazdyń atyna arnaıy ashylǵan banktegi esep-shotqa aýdaryldy.

Aqshalaı syılyqtarǵa atalmysh bıletti satqan satý núktesi de ıe boldy. Ol núkte Almaty qalasynyń Maılın kóshesi, 10 úıdegi «Aqsuńqar» dúkeninde oryn tepken. Núkteniń ıesine 100 myń, al bıletti satqan satýshyǵa 50 myń teńge kóleminde syıaqy berildi.