Super Bol: Aýlada dop tepken áýesqoıdan qalaı kásibı fýtbolshyǵa aınalýǵa bolady
- Joba jaıly egjeı-tegjeıli bilsek... Ony jasaýǵa ne ıtermeledi?
- Biz jobany ótken jyly iske qosqan edik. Oǵan óte kóp adam qatysty. Reseıde «Kto hochet stat legıonerom» dep atalatyn joba boldy. Avtory - reseılik tanymal fýtbol agenti Alan Prýdnıkov. Onyń eń tabysty mámilesi – bul tanymal ýkraın fýtbolshysy Aleksandr Zınchenkonyń aýysýy. Qazirgi ýaqytta ol oıynshy Londonnyń «Arsenal» klýbynda óner kórsetedi.
Bizdiń jobaǵa keler bolsaq, ony qurýǵa fýtbolǵa degen súıispenshilik pen ádildik, adamdardyń sanasyndaǵy qandaı da bir syrtqy faktorsyz, jemqorlyqsyz óz kúshińmen birdeńe jasaýǵa bolatynyna senimsizdikti seıiltýge degen nıet ıtermeledi.
Bizde elimizde talantty balalar, sheber jattyqtyrýshylar, áleýmettik lıft retinde fýtbol arqyly óz ómirińdi, taǵdyryńdy ózgertýge barlyq múmkindik bar ekenin kórsetýge degen ystyq yqylas boldy.
- Jobaǵa qatysý sharttary qandaı?
- Sharty óte qarapaıym: jasy 16-dan 23 jasqa deıin bolýy qajet. Túptep kelgende sol ǵana. Kez kelgen jas saıtta tirkelip, qatysady.
- Joba qatysýshylary materıaldyq kómek, jalaqy, qalamaqy ala ma?
- Joba qatysýshylary – bıyl iriktep alǵan 50 adam. Olar óte jaqsy, tipti Shyǵys Eýropadaǵy úzdik sanalatyn «Qaırat» fýtbol klýbynyń bazasynda 1988 jyly KSRO quramasynyń sapynda Olımpıada chempıony bolǵan ıArovenok Evgenıı Vıktorovıchtyń jetekshiligimen tolyq oqý-jattyǵý protsesine qatysý múmkindigin aldy. Al materıaldyq kómek, jalaqy, qalamaqyǵa keler bolsaq, joq. Menińshe, odan da mańyzdy múmkinshilik bar.
- Oıynshylar qandaı aǵattyq úshin jobadan shettetiledi? Joba qatysýshysymen fızıkalyq nemese tehnıkalyq shama-sharqynyń saı bolmaýyna baılanysty qosh aıtysý múmkindigi qandaı?
- Aǵattyq ártúrli bolýy múmkin. Óıtkeni, is júzinde joba tártipke asa yjdaǵatpen qaraýdy kózdeıdi. Al joba qatysýshysymen fızıkalyq nemese tehnıkalyq shama-sharqynyń saı bolmaýyna baılanysty qosh aıtysý tabıǵı dúnıe. Óıtkeni, únemi irikteý, turaqty jattyǵý júrgziledi.
Balalardy jattyqtyrýshylar qarap, fızıkalyq jaı-kúıin monıtorıngileý júıesin qoldanady. Onymen mamandar toby jumys isteıdi. Jazyqty bolyp qalýdyń sebebi kóp. Ol – rejımdi saqtamaý, jattyqtyrýshylar shtabyndaǵy bireýlerdi aıtpaǵannyń ózinde komanda músheleriniń birimen janjaldasý. Biraq, mundaı oryn alýy múmkin emes.
- Joba uıymdastyrýshylarynyń Qazaqstannyń Premer-lıga klýbtarymen baılanysy bar ma? Joba qatysýshylary ishinen bolashaqta lıgaǵa kiretin klýbtardyń birimen kelisimshartqa qol qoıý múmkindigi qandaı?
- Bizdiń jobamyzdy Qazaqstannyń fýtbol federatsııasy qadaǵalap otyr. Ol bizdiń negizgi seriktesterimizdiń bir. Qazaqstannyń premer-lıgasy da, klýbtar da qazirgi ýaqytta bizdi qaraıdy. Búginniń ózinde keıbir kelissóz júrip jatyr. Biraq, bul ázirshe ınsaıd. Biz Super bol jobasyna qatysýshylardyń ishinen áıteýir bireýi Qazaqstan premer-lıgasy nemese birinshi lıga klýbymen, tipti taıaý jáne alys shetelderdiń klýbtarymen kelisimshartqa qol qoıady dep úmittenemiz. Menińshe, óte úlken múmkindik bar.
- Shetelde osyǵan uqsas joba bar ma? Qandaı seriktestermen yntymaqtastyqtasyzdar?
Shynyn aıtqanda, muny basa nazar aýdaryp, qarastyryp kórmeppiz. Tek aıtarym, Super bol jobasy ótken jyly Aqparat jáne qoǵamdyq damý mınıstrliginiń, sol kezdegi mınıstr Asqar Omarovtyń tikeleı qoldaýymen jáne Qazaqstan fýtbol federatsııasynyń, Freedom Finance basshysy Tımýr Týrlovtyń tolyqtaı qarjylaı súıemeldeýimen dúnıege keldi. ıAǵnı, bul - biregeı joba.
Bıyl biz óte kóp adamdy qamtydyq. Ulanǵaıyr elimizdiń 14 óńirinen 16 myń adam qatysty. QR Prezıdenti janyndaǵy «Dara» daryndylardy qorǵaý qorynyń saıası qoldaýynyń arqasynda bizdi barlyq memlekettik organ men klýbtar súıikti qonaqtaı qarsy aldy. Menińshe, qamtýy, áleýmettik ári saıası quramdas bóligi boıynsha ómirge yqpaly jaǵynan jobanyń álemde balamasy joq.
- 29 shildede ótetin fınaldyq oıyn jaıly tarqata aıtyp berseńiz. BAQ-ta jarııalanǵan aqparatta oıynǵa QJ league quramasy men Super bol fınalısteri qatysatyndyǵy aıtylady. Bizdiń bilýimizshe, fınalda «Qaırat-Jastar» men Super bol oınaǵan edi. Demek qurama aralas bola ma? Super bol komandasynan kimder 29 shildedegi oıynǵa qatysady?
- 29 shildede «Astana Arena» stadıonynda saǵat 20:00-de 2023 jylǵy Super bol 2.0 fınaldyq nusqasy men «All Stars of QJ league» komandasy arasynda match ótedi. Ózińizde biletindeı, QJ league bul joly da Tımýr Týrlovtń tolyqtaı qarjylaı qoldaýymen bıyl quryldy. Joba 18 jasqa deıin búkil Qazaqstan boıynsha 12 komandany qamtıdy.
QJ league jeńimpazy kelesi maýsymda chempıondardyń jasóspirimder lıgasyna qatysatyn bolady. Sondyqtan da orasan zor is-shara bolady. Bul sózdi aıtýdan qoryqpaımyn. Oıynǵa álem chempıonattarynyń fınaldyq bóliginiń eń kóp matchynda sýdıalyq etken, búkil álemge tanymal arbıtr Ravshan Irmatov tórelik jasaıdy. Qazirgi ýaqytta ol Ózbekstan Fýtbol federatsııasynyń birinshi vıtse-prezıdenti jáne jaqyn dosymyz. Ol da jobamyzda qoldaýǵa zor iltıpatpen kelisim berdi.
Biz bul dástúrdi buzbaıyq dep sheshim qabyldadyq. Degenmen, bastapqyda barynsha qyzýqandy arbıtrlardy shaqyrǵymyz kelgen. Olardyń qatarynda talqylaý barysynda Djıýneıt Chakyr men Per-Lýıdjı Kollın esimderi ataldy. Úzilis kezinde «Irına Kaıratovna» toby óner kórsetetin bolady. Óte kóp skaýt (Skaýt – kásibı sportta sportshylar týraly aqparat jınaıtyn, baıqaıtyn, barlaıtyn jáne óz komandasyna tartatyn adam) keledi dep kútiledi. Olar bizben birge oıyndy tamashalaıdy.
Skaýttar Super bol-da, QJ league-te jınaǵan jas talanttardy baıqaý úshin keledi. Bul rette úlken sporttyq jáne ıdeologııalyq quramdas bóligi bar. Al Super bol men «Qaırat-Jastar» arasyndaǵy oıyn basty matchqa daıyndyq kezeńderiniń biri edi. Ótken jyly bizde dál osyndaı oıyn Qazaqstannyń 2000 jyldardaǵy juldyzdar quramasymen bóldi. Ol kezde Samat Smaqov, Andreı Karpovvıch, Arno Paıpers kelgen edi.
- Suhbatyńyzǵa raqmet!
