Super Bol 2.0 jobasy: Astanada fýtboldan grand-fınal ótedi

ASTANA. QazAqparat – 29 shildede elordadaǵy «Astana-Arena» stadıonynda fýtboldan «Super Bol 2.0» jobasynyń grand-fınaly ótedi, dep habarlaıdy QazAqparat tilshisi.

Málim bolǵandaı, aqtyq kezdesýde «Super Bol» fınalısteri «Qj league» quramasyna qarsy oınaıdy.

Match Astana ýaqytymen saǵat 20:00-de bastalady. Oıynǵa sheteldik jetekshi klýbtardyń 20-ǵa jýyq skaýty keledi dep josparlanyp otyr. Al, fınaldyq oıynnyń tóreshisi álem chempıonattaryndaǵy kezdesýlerde eń kóp tórelik jasaǵan Ravshan Irmatov bolmaq.

Oıyn arasyndaǵy úzilisterde jankúıerler úshin qazaqstandyq «Irına Kaıratovna» toby óner kórsetedi.

Eske salaıyq, bul joba ótken jyly bastaý alǵan. Byltyr da «Super Bol» jobasynyń aqtyq oıyny «Astana Arena» stadıonynda ótti. Ol joly fınalda «Jenis» fýtbol quramasy men arnaıy iriktelip alynǵan áýesqoı jas fýtbolısterden quralǵan «Super Bol» komandasy baq synasqan edi.