Sýper aýyr salmaqtaǵy Іzim Іzbaqı ekinshi jekpe-jeginde kimmen aıqasady
ASTANA. QazAqparat - 24 jastaǵy qazaqstandyq boksshy, sýper aýyr salmaqta óner kórsetetin Іzim Іzbaqı (1-0, 1 KO) kásipqoı rıngtegi ekinshi jekpe-jegin 15 aqpan kúni AQSh-ta ótkizedi, dep habarlaıdy QazAqparat Sports.kz-ke silteme jasap.
Boks keshi Kanzas shtatyndaǵy Malveın qalasynda ótedi. BoxRec.com-nyń habarlaýynsha, jerlesimiz 35 jastaǵy amerıkalyq Maıkl Glenmen (4-15-3, 1 KO) aıqasady. Jekpe-jek tórt raýndqa shaqtalǵan.
Aıta keteıik, osy boks keshiniń aıasynda Qazaqstannyń taǵy bir ókili Bahtııar Eıýbov ta (14-0, 12 KO) óner kórsetedi. Onyń qarsylasy áli belgili emes. Boksshylardyń promoýteri - Ýkraınada týyp-ósken amerıkalyq Dmıtrıı Salıta.
