«Suńqar» men «Afyon» fýtbol klýbtary arasyndaǵy joldastyq kezdesý 0:0 esebimen aıaqtaldy
ALMATY. 1 aqpan. QazAqparat /Erlik Erjanuly/ - Keshe Túrkııada oqý-jattyǵý jıynyn ótkizip jatqan Qaskeleńniń «Suńqar» fýtbol klýby Túrkııanyń ekinshi lıgasynda óner kórsetetin «Afyon» klýbymen joldastyq kezdesý ótkizdi.
Bul oıynda eki komanda da óz qarsylastarynyń qaqpasynan sańylaý taba almady. Bıyl premer-lıgada óner kórsetkeli otyrǵan Almas Qulshynbaev jattyqtyratyn qaskeleńdikter jańa maýsymdaǵy ekinshi oqý-jattyǵý jıynyn 27 qańtarda bastaǵan bolatyn. 10 aqpanǵa deıin sozylatyn bul ázirlik kezinde olardyń kelesi qarsylasy Orynbordyń «Gazovık» fýtbol klýby bolmaq. Reseıdiń birinshi lıgasynda óner kórsetetin aıaqdopshylarmen bolatyn joldastyq kezdesý erteń ótedi.
