Suńqar Qanıbek jasóspirimder arasynda álem chempıony atandy
ASTANA. KAZINFORM — Polshanyń Belsko-Bıala qalasynda kadetter, jasóspirimder men jastar arasyndaǵy álem chempıonatynda Qazaqstan komandasynyń qorjynyna altyn medal tústi. Bul týraly Qazaqstan karate federatsııasy habarlady.
Jasóspirimder sanatynda kýmıte baǵdarlamasy boıynsha 76 kelige deıingi salmaqtaǵy sportshy Suńqar Qanıbek top jardy. Otandasymyz fınalda Shotlandııa sportshysy Brodı Kallenmen baq synasyp, aıqyn basymdyqpen jeńdi. Esep: 4-0.
Suńqar Qanıbek 2024 jyly dál osy salmaqta álem chempıony atanǵan taǵy bir otandasymyz Álıhan Qadyrǵalıdyń jetistigin qaıtalady.
Aıta keteıik, Suńqar Qanıbek Qyzylorda karate mektebiniń shákirti. Osyǵan deıin jastar arasyndaǵy A serııasy sanatyndaǵy Fýdjaıra jáne Gvadalaharadaǵy birneshe jarysta top jarǵan.
Buǵan deıin Aıarý Qalysbek kadetter arasyndaǵy álem chempıonatynyń qola júldegeri atandy.
Ol kishi fınalda serbııalyq Anastasııa Rýdınatsty aıqyn basymdyqpen utty. Esep: 5-2. Sprortshy toptyq kezeńde Fınlıandııa, Albanııa jáne Ispanııa sportshysynan basym túsken. Al shırek fınalda Japonııa ókili Koharý Satony 4-0 esebimen utty.
Keıin fınalǵa beriler joldamany Mıhaela Arkalenmen sarapqa saldy. Tartysty jekpe-jekte 3-6 esebimen amerıkalyq qarsylasy basym tústi.
Eske salaıyq, Shuǵyla Ómirbek álem chempıonatynda tarıhı medal jeńip alǵan bolatyn.
