Suńǵylaǵa degen suranys óte joǵary - Jambyl oblystyq ormandardy qorǵaý jedel qyzmetiniń bas mamany
ALMATY. 11 maýsym. QazAqparat - Dárilik shópterdi jınaýshylarǵa tek Jambyl oblysynda ǵana bıyl 100 tonnaǵa jýyq suńǵyla tamyryn jınaýǵa ruqsat berildi.
Oblystyq tabıǵı resýrstar jáne tabıǵatty retteý basqarmasynyń Ormandardy qorǵaý jedel qyzmetiniń bas mamany Baqyt Serbaevtyń aıtýynsha, kóktemde 1,5-2 aı ómir súretin bul dárilik shóptiń tamyryn jınaý 10 sáýir men 10 mamyr aralyǵynda júrgiziledi.
«Tamyry 1 metrden kem bolmaıtyn bul ósimdik qumdy-shóleıtti jerlerde ósedi. Sekseýildiń arasynda kóp kezdesetin suńǵylanyń ósimdikter álemin saqtaýda óz orny bar. Bizdiń oblysymyzda onyń emdik shóp retinde jınala bastaǵanyna 10 jyldyń júzi boldy. Degenmen sońǵy 2-3 jyl kóleminde oǵan degen suranys kúrt ósti. Ormanshylardyń ruqsaty arqyly jınalatyn ósimdiktiń kólemi esepteý arqyly rettelip otyrady», - deıdi B. Serbaev.
Suńǵyla tamyry shyǵys medıtsınasynda baýyr aýrýlaryn emdeýge qoldanylady.
